4:19 PM

:: تدبيسه تاج ::


التاج ده جالنا من حماده ربنا يخليه لنا و يدبسنا كمان و كمان

اسم مدونتك ؟
Friends 4 Ever

لماذا اخترته وما هي نيتك من وراء اختيارة ؟
هو بس علشان احنا اصحاب وان شاء الله نفضل كده علي طول

هل فكرت في اغلاق مدونتك والسبب ؟؟
Dr MeRo : ليه بس كده هو احنا لحقنا اساسا نكتب اى حاجه عشان نقفلها

sam:لا...وهانقفلها ليه؟!

dr.shoshr:لا طبعا عشان مش معايا المفتاح :d

صورتك في المدونة ورمزيتها ؟؟
Dr MeRo:هى صورة واحد حاطط رأسه على ايده و شكله حزين و حيران كده و ده لان انا حاسس بكده فى الفتره دى

sam:صورتي عبارة عن عَبرة علي قاربت علي السقوط
وده لأني عادة باحب اي حاجة فيها حزن او شجن

dr.shoshr:صوره انسان يحب التامل .يميل الى الحزن وبيحب يفكر فى كل حاجه مع نفسه لانها هى الى فاهماه وحاسه بيه

لماذا دخلت في عالم التدوين من الاساس؟؟
Dr MeRo:عشان اثبت ان كل حاجه بقت ماشيه بالكوسه:P

sam: والله انا كنت بدأت في الاجازة ا للي فاتت لأ مش اللي لسه خلصانة دي
اللي قبلها اعمل موقع ليا وبعدين ماكملتوش تقريبا عملت نصه ووقفت
وبعدين شفت المدونات دي ولقيت ناس كتير عاملينها فقلت اسهل من الموقع
مابتاخدش دقايق وانت بتعملها . بس كده

dr.shoshr:قولت اجرب انا كنت بعمل مدونه تانيهوكنت بجهز فيها بس مش عارف وقفت عن تجهيزها لغايه مادخلت فى المدونه دى
وبعدين حسيت انها وسيله للتبادل الثقافى بين الناس

جمله قيلت لك في وصف مدونتك؟
Dr MeRo:ولا كلمة الحمد لله

sam:كل اللي دخل قال انها حلوة وجميلة ..... الخ

dr.shoshr:انها حلوه بس مش محتاجه الكسل بتاعكم ده

التعليقات بالنسبة لك اهميتها؟؟
Dr MeRo:لما تبقى بس تيجى التعليقات نبقى نفكرلها فى أهمية

sam:مافيش شك انها بتشجع في اوقات كتير بس الاهم من ده
واللي باحبه في التعليقات ان الناس بأتواصل معاها

dr.shoshr:التعليقات من غيرها مايبقاش فى مدونه لانك عاوز تعرف راى الناس فى الى انت بتكتبه

احلي بوست كتبته ضع الينك ثم اذكر لماذا ؟؟
Dr MeRo:صعب يا جماعه من كترهم ده حتى انا محتار احط ايه و لا ايه ولا ايه :p

sam:هو من ناحية خفية الدم لاني باحب الفكاهة تهييس الجزء الأول وليلة القبض علي كنافة
بس هو مش انا اللي كاتبه هو كان محادثة شات مشتركة

dr.shoshr:هو انا كتبت موضوع واحد بس الموضوع ده بحبه اوى عشان ممكن اول حاجه حسيت انى لازم امسك فيها قلم واكتبها
وجت بالصدفه كده وهى (مجرد محاوله)

افضل بوست قرأته وضع لينكه؟؟
Dr MeRo:لا دى بقى بجد حاجات كتير يمكن كام قصيده من اللى كاتبهم ذكرى اوحاجه من شقاوة السته بتوع صيدله او حاجات من عقلانيات حماده

sam:لا فيه حاجات كتير شوفتها حلوة مش عايز اظلم حد

dr.shoshr:بجد فى موضوعات قراتها فى مدونات تانيه متميزه واغلبها سياسيه
وماينفعش احط لينك عشان المدونه دى ماتتقفلش:d

افضل مدونة قرأتها؟؟
Dr MeRo:لا كتيييييير قوى بس مدونة ذكرى انسان ليها طعم خاص
sam:كل مدونة ليها شكلها وموضوعاتها واساليب الكتابة المختلفه فيها
لكن هي اول مدونة قريتها كانت بتاعة الستة اللي راكبين مركب
الستة بتوع صيدلة دمها خفيف قوي

dr.shoshr:بغض النظر عن افضل مدونه مين انا بجد حسيت بحماس موجود عند بعض اصحاب المدونه ليس له مثيل
اما افض المدونات فمدونه السته بتوع صيدله دى بدخلها لما بكون مضايق شويه اطلع حد تانى :d
وفى حاجات تانيه مش فاكرها دلوقتى

أسوا بوست اسوأ مدونة؟؟
Dr MeRo:كانت مدونه بتشتم فى الاسلام و الرسول عليه الصلاة و السلام و طبعا كان فيها اسوأ بوستات قريتها

sam:ماقابلتش حاجة اقدر اقول عليها وحشة

dr.shoshr:لا مافيش والله كل واحد رايه يحترم

حد قل أدبه فى التعليق إيه رد فعلك؟؟

Dr MeRo:كل اناء ينضح بما فيه

sam:في المدونة هنالا مافيش حدهو فيه حد يقدر يفتح بقه :p

dr.shoshr:لاوالحمد لله

حيحصل ايه لأيميلك لما تموت؟؟
Dr MeRo:يعنى هو الناس هيسيبوا المصيبه دى ( اللى هى موتى يعنى) و يقعدوا يفكروا فى الايميل هيحصله ايه

sam:طبعا هاكون مدي الباسوورد وكلمة المرور للمحامي وهو بيكتب الوصية بعد عمر طويل ان شاء الله علشان الورثة الشرعيين
يقسمه بينهم حسب الشرع :D

dr.shoshr:ممكن اعمل زى سامح:d

اديت الباسورد لمين؟؟
Dr MeRo:عمرى ما فكرت اديها لحد يا ترى السبب ايه ده مرض ولا ايه؟؟
انا امراضى بتزيد هنا على فكره

sam:مش فاكر بس ممكن يكون لكنافة مرة ولا حاجة
اما باسوورد المنتدي مع المنتدي كله ههههه

dr.shoshr:ياه ناس كتير عارفينه اصله سهل جدا يعنى ممكن اعز صحابى عارفينه واختى وفى المستقبل هاقدمه مهر لزوجتى عشان تتاكد انه شريف على اسمى يعنى :d

اسمك؟؟
Dr MeRo:عمر

sam:هنهزر بقي ولا ايه
ع العموم اسمي سامح ياسيدى

dr.shoshr:لا زم يعنى اصل مش فاكر ولا اقولك اقرا الكلمه الى قبل النقطتين وده اسمى :p
لفه جامده صح :p

المشهور بيه وسط اصحابك؟؟؟
Dr MeRo:عمر او ميرو و ساعات من باب الغلاسه بيبقى عمار

عادة اسمي وكمان samseed:sam
ومجدي علشاف فيه 3 سامح فبننده باسم الأب
و البرنس بقى دى خاصه بتوتو (ذكرى) و سامسيخ ده بتاع شوشر لوحده كلمه السر بتاعتنا علي الميل

وابو الاشراف وحاجه كمان ماتنفعش تتقال shoshr سابقا وshrshr:dr.shoshr

شخصيتك نوعها ايه ؟؟

Dr MeRo:مش عارف و الله هى شخصيه موديه قوى بس عاطفى جدا و طيب جدا لدرجة ساعات بحس بالعبط

sam:دا أنا غلباااااااااااان يعني ممكن طيب رومانسي حبتين فكاهي تلات حبات ونص هادي في اوقات كتير لكن باتعصب ساعات برده
كفايه عليكوا كده بقي
لكن لو الحكاية فيها امتياز ميكرو ولا حاجة يبقي اقولكم
اتصلوا علي الرقم ده
0121212120

dr.shoshr:ماينفعش انى احكم على شخصيتى الناس هى الى تحكم عليا
بس انى عصبى شويه واحب الضحك جدا واضحى بنفسى عشان صاحبى

السفر بالنسبة ليك؟؟
Dr MeRo:قضيت فيه معظم حياتى

sam:باحب السفر كتنقل وتغيير وكده لكن السفر نفسه باحس وانا مسافر بالملل عادة لما بتكون المسافة طويييييلة

Dr MeRo:بحب السفر بس للاسف كل سفرى داخل مصر

وقت فراغك بتعمل فيه ايه ؟؟
Dr MeRo:قدام الكومبيوتر ليل و نهار و ساعات نادرا جدا بخرج لأى سبب بقى سواء مع اصحابى او لأى ظروف

sam:عادة علي الكمبيوتر باقرا اي حاجة اسمع اي حاجة العب اخرج مع اصحابي ..... مافيش حاجة محددة الوقت هو اللي بيحكم هاعمل ايه

dr.shoshr:عاده كمبيوتراومع اصحابى او بتفرج على ماتشات الكوره

المود بتاعك ؟
Dr MeRo:هادى قوى

sam:لا علي فكرة انا مالتي أوبشن

dr.shoshr:انا مودى دلوقتى زهقت من كتلر الاسئله دى ههههههه

الصفات الي اخدتها من بابا ؟؟
Dr MeRo:يمكن انا ما عشتش معاه فتره كبيره بس بجد استفدت منه فى حاجات كتير قوى منها شهامته و عقله الكبير وقوى و عزة النفس

sam:ممكن نقول خفة الدم والطيبة وحب الرياضة وحاجات كتير يعني

dr.shoshr:نقول انه علمنى يعنى ايه طيبه يعنى ايه رجوله يعنى ايه وحاجات تانيه بقى

الصفات الي اخدتها من ماما ؟؟
Dr MeRo:الطيبه و الحنان و فن الذكاء الاجتماعى

sam:ممكن بقي يكون القلب الخفيف الطيبة برده الاحتواء ..... الخ

dr.shoshr:اكيد طبعا الحنان والعطف وانك تكون انسان اجتماعى


اكتر ست حاجات بكرها؟؟

Dr MeRo:المنظره و الخيانه و الكدب و التدخين و الواسطه و الاستهبال

sam:
اكتر ست حاجات بأكرهها خمس حاجات الاربعة دول هم :الظلم – الغش والخداع – مش باحب حد يتأخر علي ميعاده معايا
بازهق قوي – الاستظراف

dr.shoshr: لازم سته يعنى انا مش بحب كل حاجه غلط وسامح وعمر طبعا جابوا المفيد وازود بس صداقه المصلحه

اكتر ست حاجات بحبها ؟؟
Dr MeRo:لا بقى دى صعبه قوى اشمعنى يعنى ست حاجات لا انا بحب حاجات كتيره الواحد مش هيعرف يقول ايه ولا ايه

sam:الصدق – التواضع – الطيبة – الحب – الصداقة الصادقة

dr.shoshr:كل حاجه صح

الانترنت بالنسبة ليك ؟؟
Dr MeRo:ادمااااااااااااااااااااااااااااااااااااااااااااااااااااااااااااااااااااااااااااان

sam:عالم تاني

dr.shoshr:حاجه حلوه :d

اكلتك المفضلة ؟؟

Dr MeRo:بصفه عامه واحشنى الاكل البيتى كله انما بقى الاكله المفضله الحمام

sam:مممممممم
هو من ناحية الأكل كتير يعني ممكن يكون مثلا المكرنة بالبشاميل جلاش باللحمة المفرومة كبدة وبرجر طبعا وشاورمة كريب سبايسي

dr.shoshr:انا الحمد لله مش بقول على حاجه لأ بس المفضل لي السمك والمكرونه بالبشاميل

الشغل بيمثلك ايه ؟؟
Dr MeRo:مسئوليه واجبه على كل انسان عشان يعيش

sam:ولا حاجة لأني لسه ما اشتغلتش

dr.shoshr:مرحله وجايه

امرره لمين ؟
نبضه قلب(مرموره) و
ساره وامانى roses
السته بتوع صيدله
عمرو hyper minds

وشكرا طبعا لحبيب قلبنا حماده الى دبسنا التدبيسه دى



17 comments:

ِAmany said...

اجابتكوا لذيذه اوى وانا استمتعت وانا بقراها

ربنا يخليكوا لبعض دايما

بس على فكره التاج ده وصلنا مرتين وتمت الاجابه عليه الحمد لله

يللا بقى المره الجايه يبقى يوصلنا من عندكم الاول

loverheart said...

انا كنت عارف انه وصلكم

بس رخامة يعني نقول ايه بقي:p

وبعدين التالتة تابتة

shimaa said...

:D
لا اجاباتكم تحفه بجد والله ضحكتوني
وبعدين ياجماعه خلوا Dr MeRo ينزل حاجه الكلام ده ماينفعش :D:P
بس بجد ربنا يخليكم لبعض ان شاء الله وتفضلوا اصحاب على طول :)

Dr MeRo said...

shimaa said...
وبعدين ياجماعه خلوا Dr MeRo ينزل حاجه الكلام ده ماينفعش


هع هع هع هع الشعب بيهتف باسمى

و الله يا د. شيماء الواحد فى دماغه مليون فكره بس كسل رمضان بقى

ميرسى على مرورك

sa'7so'7te said...

rdodkom lazeza awe we mo5talefa 3an ba3d kter

we ba3den sa7e7 elmafrod dr mero yenazzel posts ba2a

we merseh 3ala ennak ba3attela eltag ma3 en break gawbet 3aleh marra zaman bs e7na el 6 negawbo ba2a...bs '3aleban ba3d ramadan
:D

we ramadan karem

عصفور بلا أجنحة said...

كلام جميل موت و لذيذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذ

loverheart said...

سخسوختي

احد المطالبين ان ميرو ينزل بوست

خلاص مادام عايزينه ينزل بوست

وأدا مع الديموقراطية بصراحه مع ان الدور عليا انا وميرو لسه منزل البوست اللي قبل ده علي طول بس خلاص تم التنازل لميرو بالبوست القادم

ابسط ياعم رغبة عامة من الجماهير حققتها الحكومة

بس هنا بس اكيد لو برة ماكانتش اتحققت

ومستنيين اجاباتكم كلكم بعد رمضان مافيش مشاكل

loverheart said...

عصفور بلا أجنحة نورتينا في أول ظهور ليكي

علي مدونتنا

Dr MeRo said...

loverheart said...
سخسوختي

احد المطالبين ان ميرو ينزل بوست

خلاص مادام عايزينه ينزل بوست

وأدا مع الديموقراطية بصراحه مع ان الدور عليا انا وميرو لسه منزل البوست اللي قبل ده علي طول بس خلاص تم التنازل لميرو بالبوست القادم

ابسط ياعم رغبة عامة من الجماهير حققتها الحكومة



دى مش عملية تنازل بقى يا سام دى تدبيسه

و طبعا شكر خاص لسخسوختى أولا على ردها الجميل
ثانيه بقى على التدبيسه دى ده انتوا مش فايقين تردوا على التاج فى رمضان امال انا اعمل ايه بقى

انتوا كلكوا عليا ولا اييييييييييييييه

Shady shan said...

walahe tag gamed..enta 3aref ...ana fate7 elblog ana w yaseen mn fatera..w le3'ayet delwa2te..magalnash wala tag :D
bas blog gamel w hatab3o isA

loverheart said...

Dr MeRo said...


دى مش عملية تنازل بقى يا سام دى تدبيسه
ثانيه بقى على التدبيسه دى ده انتوا مش فايقين تردوا على التاج فى رمضان امال انا اعمل ايه بقى

انتوا كلكوا عليا ولا اييييييييييييييه

والله لو انت مش جاهز بالبوست

انا البوست بتاعي جاهز يادوب احطه

علشان ماتقولش تدبيسة ولا حاجة

loverheart said...

شادي منورنا

ياجميل ماتقلقش

وخلاص ياعم مادام مافيش تاج وصلك لحد دلوقتي

انا باهديلك التاج ده انت كمان

وياسين

ابسط بقي

EmY said...

ايه كل ده دوختونا معاكوا بس لذيذه ردودكوا عالتاج اوعوا تقفلوا البلوج
مستنيه الجديد

loza said...

اولا : مبروووووووك على الديزاين الجديد
بجد لذيذ اووووووووى

ثانيا : كا سنه وانتوا طيبيبن رمضان كريم ...معلش انا عارفه انه قرب يخلص بس عدوها:(

ثالثا:ميرسى على التاج والكلام الى قولتوه عن البلوج
بجد احنا فرحنا جدااا بردودكم دى

dr.shoshr said...

:emy:
ايه كل ده دوختونا معاكوا بس لذيذه ردودكوا عالتاج اوعوا تقفلوا البلوج
مستنيه الجدي

دى اقل حاجه لازم تدوخى مش تلاته الى بيردوا
وعلى العموم نورتينا يافندم

:loza:
اولا : مبروووووووك على الديزاين الجديد
بجد لذيذ اووووووووى

اتفضلى يالوزه هديه مننا:d


ثانيا : كا سنه وانتوا طيبيبن رمضان كريم ...معلش انا عارفه انه قرب يخلص بس عدوها:(
وانت طيبه يالوزه
خلاص هانعديها المره دى

ثالثا:ميرسى على التاج والكلام الى قولتوه عن البلوج
بجد احنا فرحنا جدااا بردودكم دى
واحنا فرحانين اكتر بمتابعتكم للمدونه


شكرا لكل من شرفنل بالرد وسامح وعمر قاموا بالواجب

loverheart said...

loza said...
اولا : مبروووووووك على الديزاين الجديد
بجد لذيذ اووووووووى

ثانيا : كا سنه وانتوا طيبيبن رمضان كريم ...معلش انا عارفه انه قرب يخلص بس عدوها:(

علشان تعرفوا بس ان الديزاين حلو

وقال ايه مش عاجبهم خلاص نرجعه تاني

وانتي طيبة يالوزة بس بعد كده مافيش سماح

PEPO _PHARM said...

امممممممممممممممممممم

حوار لذيذ قوى

لا فعلا ممتع

كملوا كمان على النظام ده

بس اسئلة اكتر تعمق

وده اول رد ليا هنا مفيش مضايفة ولا فى حاجة ؟؟؟؟؟؟؟؟؟؟؟